काठमाडौं। एनएमबि बैंक कोष प्रवर्धक तथा एनएमबि क्यापिटल योजना व्यवस्थापक भई सञ्चालनमा रहेका एनएमबि फिफ्टी, एनएमबि सुलभ इन्भेष्टमेन्ट फण्ड-२ र एनएमबि हाइब्रिड फण्ड एल-२ योजनाको लाभांश घोषणा भएको छ।
एनएमबि क्यापिटलले गत आर्थिक वर्ष २०८२/०८३ को मुनाफाबाट योजनाका इकाईधनीलाई लाभांश घोषणा गरेको हो।
नएमबि फिफ्टीका इकाईधनीलाई ३.१५, एनएमबि सुलभ इन्भेष्टमेन्ट फण्ड-२ का इकाईधनीलाई १० र एनएमबि हाइब्रिड फण्ड एल-२ का इकाईधनीलाई ४.५ प्रतिशत (करसहित) प्रतिफल दिने घोषणा गरेको छ।
प्रतिफल वितरण गर्ने प्रयोजनका लागि कम्पनीले भदौ ८ गते इकाईधनी दर्ता किताब बन्द गर्ने निर्णय गरेको छ।
