काठमाडौं। स्रोत नखुलेको रकमसहित प्रहरीले एक चिनियाँ नागरिकसहित दुईजनालाई नियन्त्रणमा लिएको छ।
चन्द्रागिरी नगरपालिका-२ नागढुङ्गाबाट चिनियाँ नागरिक गुंग यागसहित दुईजनालाई पक्राउ गरिएको हो। उनीहरूको साथबाट ५९ लाख ९३ हजार ५ सय रूपैयाँ बरामद गरिएको छ।
प्रहरी प्रभाग नागढुंगाबाट खटिएको प्रहरीले सप्तरीबाट काठमाडौंतर्फ आउँदै गरेको ज १ च १६६४ नम्बरको स्कारपियोलाई जाँच गर्दा नगद फेला पारी स्कारपियोमा सवार उनीहरूलाई पक्राउ गरेको थियो।
चिनियाँ नागरिक तराईको जिल्लाबाट काठमाडौं आउनु लगायत शंकास्पद विषय जोडेर प्रहरीले अनुसन्धान गरिरहेको छ।
