काठमाडौं । सुनसरीको घटनापछि तराईका जिल्लामा बढ्दो तनावपूर्ण गतिविधि नियन्त्रण तथा समन्वय गर्नका लागि उच्च तहका प्रहरी अधिकृतहरुलाई परिचालन गरिएको छ।

प्रहरी अतिरिक्त महानिरीक्षक सिद्धी विक्रम शाहलाई बाँकेमा खटाइएको छ। त्यस्तै, एआइजी हिमालय कुमार श्रेष्ठलाई मधेश प्रदेशमा पठाइएको छ।

सीआइबीमा कार्यरत उमाशंकर चुतुर्वेदीलाई कपिलवस्तुमा पठाइँदा एआइजी इश्वर कार्कीलाई कोशी प्रदेशमा पठाइएको छ।

डिआइजी दिनेश कुमार आचार्यलाई सिराह, डिआइजी अभिनारायण काफ्लेलाई सप्तरी, डिआइजी गोपाल चन्द्र भट्टराइलाई सर्लाही पठाइएको छ।

त्यस्तै, एसएसपी सोमेन्द्र सिंह राठौंरलाई पर्सा, एसएसपी दिप शमशेर जवरालाई रौतहट पठाइएको छ। एसएसपी होबिन्द्र बोगटी बारा पठाइको हो।

परिचालनको प्रभावकारीता मूल्यांकन, नीति निर्देशन, सुरक्षा योजनाको कार्यान्वयन, सूचना संकलन तथा विश्लेषण र आवश्यकतानुसार फिल्डमा समेत खटिएका सम्बन्धित प्रदेश प्रहरी कार्यालय र जिल्ला प्रहरी कार्यालयसँग समन्वय, सहजिकरण गरी समस्या तथा गुनासो सुन्नेको लागि उच्च प्रहरी अधिकृतहरुलाई खटाइएको हो।

एआइजीदेखि एसएसपीसम्म जिल्लमा पठाइएको छ। परिस्थितिलाई काबू बाहिर जान नदिई समयमै स्थितिको सामान्यीकरण गर्ने र भए गरेको विवरण आवश्यकता अनुसार प्रहरी महानिरीक्षक समक्ष जाहेर गर्ने गरी प्रहरी अधिकृतहरुलाई प्रदेश र जिल्लाको जिम्मेवारी तोकिएको हो।

जोखिम कम देखिएको जिल्लाहरुबाट पनि प्रहरीलाई तराईमा पठाउन थालिएको छ। एउटा जिल्लाबाट २० देखि ५० जनासम्म प्रहरीलाई तनावपूर्ण स्थानमा पठाइँदैछ।

को कहाँ परिचालित?