काठमाडौं। कुवेतको उत्तरी क्षेत्रमा भएको ड्रोन आक्रमणमा परी एक नेपालीको मृत्यु भएको छ।
कुवेतस्थित नेपाली राजदूतावासका अनुसार सवारी चालकको रूपमा कार्यरत तेह्रथुमका ४४ वर्षीय सोमकुमार तामाङको मृत्यु भएको हो ।
साउन १४ गते भएको घटनाबारे कुवेतको परराष्ट्र मन्त्रालयले जानकारी गराएको दूतावासले शुक्रबार प्रेस विज्ञप्तिमार्फत जनाएको छ।
दूतावासले कुवेतमा विकसित संवेदनशील परिस्थितिलाई मध्यनजर गर्दै सुरक्षा सम्बन्धी मापदण्ड पूर्णरूपमा पालना गर्न र संयमित भई सुरक्षित स्थानमा रहन अपिल गरेको छ।
