काठमाडौं। चालु आर्थिक वर्ष ११ महिनामा १० अर्ब ८० करोड रुपैयाँको चाँदी भित्रिएको छ।

यो अवधिमा ३३ हजार ३९३ केजी चाँदी आयात भएको हो। त्यसमध्ये २२ करोड रुपैयाँको ४९० केजी चाँदी जेठ महिनामा भित्रिएको भन्सार विभागको तथ्यांक छ। गत आर्थिक वर्ष २०८१/८२ को ११ महिनामा २७ हजार ७७८ केजी चाँदी आयात भएको थियो। त्यो चाँदी ३ अर्ब ८८ करोड रुपैयाँको हो।

विभागको तथ्यांक अनुसार जेठमा सुन आयात ठप्प छ। गत वैशाखसम्म २५ अर्ब ७८ करोड रुपैयाँको १३५४ केजी सुन आयात भएकामा जेठमा एक ग्राम पनि थपिएको छैन।