काठमाडौं। वाणिज्य बैंकहरुले निक्षेपको ब्याजदर घटाएर लागत कम गरेपछि आधार दर (बेस रेट) थप ओरालो लागेको छ।

कर्जाको माग सुस्त भइ लगानीयोग्य रकम (तरलता) थुप्रिएपछि बैंकहरुले निक्षेपको ब्याजदर निरन्तर घटाउँदा बेस रेट थप तल आएको हो।

पाँच वटा वाणिज्य बैंकको बेस रेट ५ प्रतिशतभन्दा तल आएको छ। एभरेष्ट, नेपाल, नबिल, स्टान्डर्ड चार्टर्ड र राष्ट्रिय वाणिज्य बैंकको बेस रेट ५ प्रतिशतभन्दा तल आएको हो।

बेस रेट राष्ट्रिय वाणिज्य बैंकको ४.३६, स्टान्डर्ड चार्टर्डको ४.५२, एभरेष्टको ४.७३, नेपाल बैंकको ४.९८ र नबिल बैंकको ४.९१ प्रतिशतमा आइपुगेको छ।

बेस रेट घट्नु भनेको ऋणको ब्याजदर सस्तो हुनु हो। बैंकहरुले बेस रेटमा अधिकतम ५ प्रतिशतसम्म प्रिमियम थपेर ऋण दिन्छन्। पछिल्लो तीन महिनाको औसत बेस रेटमा प्रिमियम थपेर बैंकहरुले ब्याजदर कायम गर्छन्।

बैंकहरुको आधार दरको अवस्था