मुम्बई । आज टी २० विश्वकप अन्तर्गत नेपाल र वेस्ट इण्डिजको खेल हुँदैछ। मुम्बईको वानखडे स्टेडियममा बिहान ११:१५ बजे खेल हुँदैछ।
विश्व विजेता रहिसकेको वेस्ट इण्डिजविरुद्ध नेपाललाई आज जित निकाल्नुपर्ने दबाब छ। यसअघिको दुई हारले नेपाल चुनौतीपूर्ण अवस्थामा छ।
यस्तो अवस्थामा पनि मुम्बईमा नेपाली समर्थकले भने साथ छाडेका छैनन्। यसअघिका दुई खेलमा जस्तै यसपटक पनि वानखडेमा नेपाली समर्थकको उपस्थिति बाक्लो हुनेछ।
आज बिहानैदेखि खेलाडीलाई समर्थन गर्न समर्थकहरु मरिन ड्राइभमा भेला भइरहेका छन्। उनीहरु मादल बजाउँदै नेपाली टोलीको हौसला बढाउन हुटिङ गरिरहेक छन्।
