काठमाडौं। रेमिटेन्स आप्रवाह ३५.६ प्रतिशतले वृद्धि भएको छ।
नेपाल राष्ट्र बैंकले शुक्रबार सार्वजनिक गरेको तथ्यांक अनुसार चालु आर्थिक वर्ष २०८२/८३ को पाँच महिनामा ८ खर्ब ७० अर्ब ३१ करोड रुपैयाँ रेमिटेन्स भित्रिएको छ। त्यसमध्ये १ खर्ब ८३ अर्ब १८ करोड रुपैयाँ मंसिर महिनामा भित्रिएको हो।
पोहोर पहिलो पाँच महिनामा रेमिटेन्स वृद्धिदर ४.७ प्रतिशतमा सीमित थियो। गत आर्थिक वर्ष मंसिरमा १ खर्ब १८ अर्ब ७९ करोड रुपैयाँ रेमिटेन्स भित्रिएको थियो।
पाँच महिनामा अन्तिम श्रम स्वीकृति लिएर १ लाख ७५ हजार ५९१ जना र पुनः श्रम स्वीकृति लिएर १ लाख ६३ हजार ९२४ युवा वैदेशिक रोजगारीमा गएका छन्।
अघिल्लो वर्ष पाँच महिनामा अन्तिम श्रम स्वीकृति लिनेको संख्या १ लाख ९० हजार ३८४ र पुनः श्रम स्वीकृति लिनेको संख्या १ लाख ३५ हजार ४२५ थियो।
