काठमाडौं । गोंगबुको एक घरमा प्रहरीले उल्लेख्य परिमाणको रकम बरामद भएको छ। अहिले रकम गणना गर्ने कार्य भइरहेको छ।
एआईजी टेक बहादुर तामाङले काठमाडौं वडा २६ मा रहेको ‘श्रेष्ठ घर’मा प्रहरीको संयुक्त टोलीले गरेको अपरेसनमा खोजतलासका क्रममा रकम फेला परेको बताएका हुन्।
हालसम्म करिब ३ करोड रुपैयाँ गणना भइसकेको उनले जानकारी दिए। रकम धेरै भएकोले मेसिन ल्याएर गणना गर्ने तयारी हुँदैछ।
प्रहरीले सो घरबाट सुन पनि बरामद गरेको छ। त्यसक्रममा प्रहरीले एकजनालाई नियन्त्रणमा लिएर थप अनुसन्धान गरिरहेको छ।
