काठमाडौं । नेपाली बजारमा नाडा अटो शोबाट भित्रिएको ट्राइम्फले एक्सचेन्ज अफर ल्याएको छ। ट्राइम्फको नेपालका लागि आधिकारिक बिक्रेता हंशराज हुलासचंद एण्ड कम्पनीले नक्सालमा रहेको बाइकर्स क्याफे ट्राइम्फ एक्सचेन्ज क्याम्प आयोजना गरेको हो।
उक्त क्याम्प आजदेखि २४ गतेसम्म बाइकर्स क्याफेमा आयोजना हुनेछ। यो समयमा ट्राइम्फ बाइक खरिद गर्ने ग्राहकहरुले प्रत्येक बाइकको खरिदमा २० हजार बराबरको प्रिमियम हेल्मेट्स पाउने छन्।
यस्तै, अफर अन्तर्गत फाइनान्सिङको पनि सुविधा प्रदान गरिएको छ। जसमा ५० प्रतिशत डाउनपेमेन्ट गरेपछि बाँकी मासिक किस्ता तिर्न सकिनेछ। नागरिकता देखाएर सजिलै किस्ताबन्दीमा बाइक लिन पाइने व्यवस्था गरिएको कम्पनीले जनाएको हो।
कम्पनीले क्याम्पमा बाइकको टेस्ट ड्राइभ गर्न सकिने र पुराना जुनसुकै बाइक लिएर नयाँ ट्राइम्फको बाइकहरु लैजाने सकिने अफर पनि ल्याएको छ। यसमा बेस्ट भ्यालुएसन पनि दिने कम्पनीको दाबी छ।
यस्तै, कम्पनीले अर्को केटीएमको नयाँ शोरुम पनि नक्सालमा ल्याएको छ। यस अघि भएको शोरुमबाट अर्को स्थानमा फ्यागसिप शोरुम संचालनमा ल्याएको हो।
