काठमाडौं । म्याक्सस ब्रान्डको इलेक्ट्रिक गाडी अब हिमालय अर्गनाइजेसनले नेपाल ल्याउने भएको छ। यस अघि पारामाउन्ट मोटर्सले उक्त ब्रान्डको गाडी नेपाली बजारमा ल्याइरहेको थियो।
कम्पनीले म्याक्सस पिकअप, भ्यान र इलेक्ट्रिक मिफा ९ गाडी नेपाल ल्याएको थियो। तर, अब भने हिमालय अर्गनाइजेसनले बिक्री गर्ने भएको हो। अब पारामाउन्टले सो ब्रान्डको गाडी नल्याउने निश्चित जस्तै भएको छ।
हिमालयले सुरुमा यो ब्रान्डको इलेक्ट्रिक पिकअप म्याक्सस ईटेरोन ९ इलेक्ट्रिक पिकअप नेपाल ल्याउन लागेको छ। कम्पनीले एक हप्ताभित्र उक्त गाडी भन्सार नाका आइपुग्ने जनाएको छ।
हिमालय अर्गनाइजेसन नाडा अटोमोबाइल्स एशोसिएसन अफ नेपालका निवर्तमान अध्यक्ष ध्रुव थापाको कम्पनी हो।
उनले फोर्स गाडीहरु ल्याएर बिक्री गर्दै आइरहेका छन्। डिपलको पोखरामा डिलरमा पनि उनै संचालन गरिरहेका छन्। अब भने इलेक्ट्रिक पिकअप ल्याउने निश्चित भएको हो।
यो पिकअप गाडीमा १०२.२ किलोवाट आवर क्षमताको ब्याट्री प्याक उपलब्ध छ। यो ब्याट्री फुल चार्ज गर्दा ४३० किलोमिटर रेन्ज प्रदान गर्छ। २० प्रतिशतदेखि ८० प्रतिशतसम्म चार्ज गर्न ११५ किलोवाट क्षमताको डीसी फास्ट चार्जरले ४२ मिनेटको मात्रै समय लाग्छ। यस्तै ११ किलोवाट क्षमताको एसी चार्जरले गर्दा १२ घन्टाको समयमा ५ प्रतिशतदेखि १०० प्रतिशतसम्म चार्ज हुन्छ।
यो गाडी फोर बाई फोर क्यापाबिलिटी भएको अल इलेक्ट्रिक अफरोडर पिकअप गाडी हो। यो फोर ह्वील ड्राइभ ड्राइभ भएकाले अफ रोडमा ड्राइभ गर्न सहज हुन्छ। यसमा अगाडि १२५ किलोवाट र पछाडि २०० किलोवाट क्षमताको पावर भएको मोटर प्रदान गरिएको छ।
यो गाडी फोर बाई फोर क्यापाबिलिटी भएको अल इलेक्ट्रिक अफरोडर पिकअप गाडी हो। यो फोर ह्वील ड्राइभ ड्राइभ भएकाले अफ रोडमा ड्राइभ गर्न सहज हुन्छ। यसमा अगाडि १२५ किलोवाट र पछाडि २०० किलोवाट क्षमताको पावर भएको मोटर प्रदान गरिएको छ। यसले अगाडि २५० र पछाडि ४५० एनएम टर्क उत्पादन गर्छ।
यसमा अर्को भनेको एयर इन्डिपेन्डेन्ट सस्पेन्सन प्रदान गरिएको छ। यसको टायर ह्वील २० इन्चको छ। साथै फुल साइज स्पेयर टायर पनि उपलब्ध छ।
मूल्य ८० लाखदेखि ८५ लाखसम्म हुने अनुमान गरिएको छ।
