
काठमाडौं। थाइ एयरवेजको बैंककका लागि उड्नुपर्ने जहाज प्राविधिक समस्याका कारण ग्राउण्डेड भएको छ।
जहाज बिहिबार अपराह्न १२:४० मा उड्ने तालिका रहेकामा प्राविधिक समस्याका कारण ग्राउण्डेड गरिएको त्रिभुवन अन्तर्राष्ट्रिय विमानस्थलका महाप्रबन्धक जगन्नाथ निरौलाले बताए।
‘जहाजमा टेक्निकल समस्या देखिएपछि थाइ एयरवेजको जहाज ग्राउण्डेड गरिएको हो। कम्पनीले जहाज मर्मतका लागि बैंककबाट प्राविधिक मगाएको छ,’ उनले भने।
जहाज ग्राउण्डेड भएपछि २९६ यात्रु बैंकक जानबाट रोकिएका छन्। थाइ एयरवेजको जीएसए सोसाइटी इन्टरनेसनलले यात्रुलाई होटलमा राख्ने व्यवस्था मिलाइएको बताएको छ।