काठमाडौं । कालीमाटी तरकारी बजारमा आज गोलभेडाको थोक मूल्यमा गिरावट आएको छ। भारतीय ठूलो गोलभेडाको मूल्य ८५ रुपैयाँमा स्थिर रहँदा सानो लोकल, टेनल र भारतीय सानो गोलभेडाको मूल्य घटेको हो।

हिजो ९१.६७ रुपैयाँ रहेको लोकल बन्दाको थोक मूल्य पनि घटेर आज ५५ रुपैयाँ छ। यस्तै, तराईको बन्दाको मूल्य पनि ८० रुपैयाँबाट घटेर आज ४५ रुपैयाँ छ।

स्थानयी र तराईको काउलीसँगै, परवर लगायतको थोक मूल्यमा पनि आज गिरावट आएको छ। पालूंगोको साग र चम्सुको सागको हिजो १७६.६७ रुपैयाँ रहेकोमा आज ९० रुपैयाँमा बिक्री भइरहेको छ। मेथि र तोरीको सागको भाउ पनि घटेको छ।

हरियो प्याजको मूल्य भने ३० रुपैयाँले बढेर आज १४० रुपैयाँ प्रतिकिलो छ। कन्य च्याउको भाउ पनि १२५ रुपैयाँबाट बढेर १५६.६७ रुपैयाँ पुगेको छ।

चिचिण्डो, घिरौला, लौका लगायत तरकारीको थोक मूल्य पनि आज बढेको छ।

तरकारीको थोक मूल्य सूची