काठमाडौं। २०७२ साल वैशाख १२ गतेको विनाशकारी भूकम्पले ढलेका धरहरा पुनर्निर्माण सकिएसँगै सर्वसाधारणका लागि खुला गरिएको छ। मन्त्रिपरिषद्को निर्णय बमोजिम संविधान दिवसको अवसर पारेर धरहरा सर्वसाधारणका लागि खुला गरिएको हो।
भूकम्पको ९ वर्षपछि पुनः सर्वसाधारण धरहरा चढेका छन्। सुरुवातमा सर्वसाधारणका लागि प्रवेश निःशुल्क गरिएको छ। बिहान १० बजेदेखि अपराह्न ४ बजेसम्म सर्वसाधारणका लागि धरहरा खुला गरिएको हो।
धरहरा चढ्नका लागि अनलाइन बुकिङको व्यवस्था समेत खुला गरिएको छ। अनलाइन बुकिङबाट प्राप्त हुने कोडका आधारमा अवलोकन गर्न दिइने छ।
