काठमाडौं। नेपालका लागि टोयोटा गाडीको आधिकारिक विक्रेता युनाइटेड ट्रेडर्स सिन्डिकेट प्रालिले हाइब्रिड मोडल यारिस क्रस हाइब्रिड इलेक्ट्रिक नेपालमा सार्वजनिक गरेको छ।
नयाँ यारिस क्रसको लम्बाइ ४३१० एमएम, चौडाइ १७७० एमएम र उचाइ १६१५ एमएम छ। यसमा २६२० एमएम लामो ह्विलबेस र १८ इन्चको टायर पाउन सकिन्छ।
टोयोटाले यारिस क्रसमा अटोमेटिक हाइबिमसहितको हेडलाइट, एलइडी डीआरएल, एलइडी फग लाइट र कनेक्टेड एलइडी टेललाइट दिएको छ। यो मोडलमा मल्टी कलर एम्बियन्ट लाइट पनि दिइएको छ।
यसमा इलेक्ट्रिक मोटर र ४.३ एम्पियर आवरको ब्याट्री प्याक पाउन सकिन्छ। रिजेनेरेटिभ ब्रेकिङ सिस्टम रहेको गाडीमा ईसीभीटी गियरबक्स पाउन सकिन्छ।
गाडीको ग्राउन्ड क्लियारेन्स २१० एमएम रहेको छ।
एसयूभीमा ६ एयरव्याग, भेहिकल स्टेबिलीटी कन्ट्रोल, एन्टी-लक ब्रेकिङ सिस्टमलगायतका सुरक्षा छन्।
नेपाली बजारमा मूल्य १ करोड २२ लाख रहेको छ।
