मेलम्चीको पानी बर्खा सकिएपछि मात्रै काठमाडौं ल्याइने, सुरुङमा पानी पठाउन रोकियो

बिजमाण्डू
२०७९ जेठ १७ गते १४:१२ | May 31, 2022
मेलम्चीको पानी बर्खा सकिएपछि मात्रै काठमाडौं ल्याइने, सुरुङमा पानी पठाउन रोकियो


काठमाडौं। सिन्धुपाल्चोकको हेलम्बु गाउँपालिकास्थित मेलम्चीको मुहानबाट काठमाडौं ल्याइएको पानी वर्षातका कारण सुरुङमा क्षति नहोस् भनी सावधानी अपनाउँदै बन्द गरिएको छ।

Tata
GBIME
Nepal Life

निरन्तर वर्षा हुने र बाढी आउने क्रम बढ्न थालेपछि वैकल्पिक प्रणालीबाट ल्याइएको मेलम्चीको पानी बन्द गरिएको मेलम्ची खानेपानी विकास समितिका प्रवक्ता राजेन्द्र पन्तले जानकारी दिए। मंगलबारदेखि बन्द गरिएको पानी सुक्खा मौसम लागेपछि फेरि वैकल्पिक प्रणालीबाट राजधानी ल्याइने उनले बताए।

मेलम्चीको पानी बन्द गरिए पनि सुन्दरीजलस्थित पानी प्रशोधन केन्द्रमा बाग्मतीको पानी प्रशोधन गरि राजधानीवासीलाई दिइने मेलम्ची आयोजनाले जनाएको छ।

गतवर्ष असार १ गते मेलम्ची खोलामा सुक्खा पहिरो आउँदा आयोजनाको पूर्वाधारमा क्षति पुगेको थियो।

गत वर्ष बाढी आउनुअघि नै सुरुङमा पानी बन्द गरिएकाले सुरुङभित्र भने क्षति पुग्न पाएको थिएन। यसवर्ष असार अगावै दैनिक पानी पर्ने र बाढी आउन थालेपछि आयोजनाले सावधानी अपनाउँदै मुहानमै पानी बन्द गरेको हो।