अर्थको मुख ताक्दा सेयर बजार बन्द गर्ने निर्णय गर्न सकेन बोर्डले, 'साँझ मात्रै थाहा हुन्छ'





काठमाडौं। धितोपत्र बोर्डले अर्थमन्त्रालयको 'ग्रिन सिग्नल' पर्खिँदा आइतबार सेयर बजार खुलेको छ। 

शुक्रबार बोर्डका अध्यक्ष भीष्मराज ढुङ्गानाले 'सेयर बजार अत्यावश्यकीय क्षेत्र नभएकाले बन्द गरिने' बताएका थिए। उनले अर्थमन्त्रालयबाट निर्देशन नआएकाले बजार बन्द गर्ने निर्णय गर्न सकेनन्।

बजारका बारेमा के  गर्ने भनेर आइतबार बिहान नेपाल स्टक एक्सचेञ्ज र बोर्डको सञ्चालक समिति बैठक थियो। 

TaTa
Sanima Bank
Riddisiddi Cement

नेप्सेले कारोबार बन्द गर्नका लागि बोर्डले निर्देशन दिनु पर्ने कानुनी ब्यवस्था छ। नेप्सेलाई बोर्डले निर्देशन नदिएका कारण आइतबार बजार खुल्यो। 'हामीले बोर्डसँग कुरा गरेका थियौं। उताबाट आज एक दिन हेरेर साँझतिर आवश्यक निर्णय लिने जबाफ आएको छ' नेप्सेका प्रमुख कार्यकारी अधिकृत चन्द्रसिंह साउदले भने, 'अब बन्द गर्ने नगर्ने भरै निर्णय हुन्छ।'

सरकारले २५ जनाभन्द बढि भेला हुन नपाइने निर्देशन दिएको छ। सेयर कारोबार हुने ब्रोकर कार्यालयमा भिडभाड हुन्छ। 

भिडभाडलाई देखाएर बजार बन्द गराउन खोजिएको एकखालका लगानीकर्ताले बताएका छन्। भिडभाड नहुने गरी अनलाइन कारोबार गर्न सकिन्छ भन्ने उनीहरुको तर्क छ। बजारै बन्द गर्नु समाधान नभएको उनीहरु बताउँछन्। अर्काथरीको चिन्ता कोरोनाको असरले गर्दा सेयरमा पहिरो जान्छ। त्यही भएर बन्द गर्नु पर्छ।


Share this Story

   

अर्थको मुख ताक्दा सेयर बजार बन्द गर्ने निर्णय गर्न सकेन बोर्डले, 'साँझ मात्रै थाहा हुन्छ' को लागी १ प्रतिक्रिया(हरु)

Sudip[ 2020-03-22 12:02:15 ]
Online traders may execute their trades from location of their own convenience, but what about the staffs assigned with the responsibility of settlement of trades? Shall they also be provided with remote access to the settlement software/ system? What if any person with malafide intention get access to those system and cause to result an another devastating effect?

   हालसम्म २८ जनाले यो प्रतिक्रिया मन पराउनु भयो ।


नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.
Ncell