त्यसैले नेपाल एसबिआईले सेयर संरचना परिवर्तन भएर घट्ने गरी अर्को संस्था गाभ्ने सम्भावन लगभग छैन । बैंकले आफ्नै क्षमताले चुक्ता पुँजी आठ अर्ब रुपैयाँ पुर्याउने सम्भावनानै वढी छ । अघिल्लो आर्थिक वर्षको मुनाफा र जगेडा कोषबाट गरी बैंकले यस पटक २५ प्रतिशत वोनस सेयर वितरण गरी चुक्ता पुँजी तीन अर्ब ८२ करोड रुपैयाँ पुर्याउन सक्छ । बैंकको मुनाफा वृद्धि दर हेर्दा आगामी दुई आर्थिक वर्षको मुनाफाबाट बैंकले झण्डै  दुई अर्ब रुपैयाँ चूक्ता पुँजी बोनस सेयर वितरणबाट बढाउन सक्छ र नपुग चुक्ता पुँजी अर्थात दुई अर्ब २० करोड रुपैयाँको हकप्रद सेयर जारी गरी आफैले आठ अर्ब पुर्याउने सम्भावन वढी छ ।