नेपाल भर्सेस भारत ‘ए’: तिलक र कुमारको शतकमा नेपालसामू ३३३ रनको लक्ष्य

बिजमाण्डू
२०८३ मंसिर ४ गते १९:४७ | Nov 20, 2026
नेपाल भर्सेस भारत ‘ए’: तिलक र कुमारको शतकमा नेपालसामू ३३३ रनको लक्ष्य
तस्बिर: एसीसी

काठमाडौं। नेपाली क्रिकेट टोलीले भारत ‘ए’बाट ३३३ रनको लक्ष्य पाएको छ। एसीसी एसिया कप राइजिङ स्टार्स अन्तर्गत आजको खेलमा टस हारेर ब्याटिङमा उत्रिएको भारतले निर्धारित ५० ओभरमा ९ विकेट गुमाउँदै ३३२ रन बनाएको हो।

GBIME
Tata

नेपालसामू ठूलो लक्ष्य प्रस्तुत गर्न भारतीय टोलीका कप्तान तिलक वर्मा र कुमार कुसाग्राले शतक बनाए। कुमारले सर्वाधिक ११७ रन बनाउने क्रममा १०२ बलमा १० चौका र ५ छक्का प्रहार गरे। त्यस्तै, तिलकले ११३ बलमा ६ चौका र ४ छक्काको सहायतामा १०७ रन बनाए।

त्यसबाहेक वैभव सूर्यवंशीले २६, सूर्यांस सेडगेले अविजित ३६ रन बनाए।

बलिङमा सन्दीप लामिछाने र ललित राजवंशीले समान ३ विकेट लिँदा नन्दन यादवले २ तथा पवन सर्राफले १ विकेट लिए।

नेपाल केहीबेरमा जवाफी ब्याटिङमा उत्रिँदैछ।