काठमाडौं। धनतेरसको दिन सुनचाँदीको मूल्य सस्तिएको छ। अघिल्लो दिनको तुलनामा शुक्रबार सुन तोलामा ५ हजार ९ सय रुपैयाँले घटेको हो।
नेपाल सुनचाँदी व्यवसायी महासंघका अनुसार शुक्रबार सुनको कारोबार मूल्य प्रति तोला २ लाख ८३ हजार रुपैयाँ निर्धारण भएको छ।
बिहीबार सुन तोलामा १३ हजार ३ सय रुपैयाँ बढेर प्रति तोला २ लाख ८८ हजार ९ सय रुपैयाँमा कारोबार भएको थियो।
चाँदीको मूल्य शुक्रबार तोलाको ३ हजार ८१० रुपैयाँमा आइपुगेको छ। शुक्रबार चाँदी प्रति तोला ११० रुपैयाँ घटेको छ।
बिहीबार चाँदी प्रति तोलामा २ सय ६५ रुपैयाँले बढेर प्रति तोला ३ हजार ९२० रुपैयाँ पुगेको थियो।
अन्तर्राष्ट्रिय बजारमा सुनको मूल्य शुक्रबार प्रति औँस ४०५०.३ डलर छ। चाँदी प्रति औँस ५१.६१ डलर छ।
