काठमाडौं। राप्ती हाइड्रो एण्ड जनरल कन्स्ट्रक्सन लिमिटेडले हकप्रद सेयर निष्कासनका लागि विद्युत नियमन आयोगबाट पूर्वस्वीकृति पाएको छ।
आयोगले कम्पनीले चाहे भन्दा कम अनुपातमा हकप्रद सेयर निष्कासनका लागि पूर्वस्वीकृति दिएको हो।
कम्पनीको गत पुस २९ गते भएको साधारण सभाले १:०.४६६१ को अनुपातमा हकप्रद सेयर जारी गर्ने प्रस्ताव पारित गरी आयोगमा आवेदन दिएको थियो।
तर, आयोगले १:०.२५१४ को अनुपातमा मात्र हकप्रद सेयर निष्कासन गर्न पूर्वस्वीकृति दिएको छ। कम्पनीको चुक्ता पुँजी १ अर्ब २२ करोड ५५ लाख ८७ हजार रुपैयाँ छ।
