काठमाडौं । नेपाल-चीन सीमाक्षेत्र नजिकै भीषण हिमपहिरो र भूकम्पका कारण भोटेकोसीमा आकस्मिक बाढी आएको बाढी पूर्वानुमान महाशाखाले जनाएको छ।

महाशाखाका अनुसार भदौ १० गते बिहान नेपाल-चीन सीमाबाट तीव्र बहाव र गेग्रानसहितको बाढी भोटेकोसी नदीमा प्रवेश गरेको थियो।

बिहान दुईवटा भूकम्प र त्यसपछि बिहान ८:४० बजे भोटेकोसीको जलसतह १.६२ मिटर मापन गरिएको थियो। त्यसपछि जलमापन केन्द्र बाढीले बगाएको देखिएको प्राधिकरणले जनाएको छ।

बाढीको टाइमलाइन

उक्त बाढीको बहाव क्रमशः भोटेकोसी, त्रिशूली, मलेखु र मुग्लिन हुँदै नारायणी-देवघाट क्षेत्रसम्म पुगेको थियो।

जोखिमलाई मध्यनजर गर्दै महाशाखाले नेपाल टेलिकम र एनसेलको सहकार्यमा रसुवा, नुवाकोट, धादिङ, गोर्खा र चितवनका नदी तटीय क्षेत्रमा रहेका करिब ६ लाख ७९ हजार २५५ नागरिकलाई सुरक्षित स्थानमा जान सूचना पनि पठाएको जनाइएको छ।

देवघाट जलमापन केन्द्रमा भदौ १० गते दिउँसो २:१० देखि साँझ ८ बजेसम्ममा करिब २ करोड घनमिटर थप बाढीजन्य पानी बगेको प्रारम्भिक आँकलन गरिएको छ।