काठमाडौं । प्रतिनिधि सभाको बैठक साउन १९ गतेका लागि बोलाइएको छ। १४ दिनपछि बिहीबार बैठक बसेको थियो।
सुनसरी घटनापछि बढेको तनावका कारण अर्को बैठक ५ दिनपछि बोलाइएको हो। तराई मधेशमा तनाव देखिएपछि सांसदहरुमार्फत राजनीतिक संवाद बढाउनुपर्ने माग उठिरहेको छ।
सत्तारुढ दल राष्ट्रिय स्वतन्त्र पार्टी (रास्वपा)का सभापतिले मधेशका सांसदहरुलाई निर्वाचन क्षेत्रमा फर्काउनका लागि छलफल थालिरहेका छन्।
तनावका बीच संसद चलाउन उचित नहुने बुझाइपछि संसद बैठक पाँच दिन धकेलिएको संसद् सचिवालय स्रोतले जनाएको छ।
