काठमाडौं। नेपाली महिला क्रिकेट टोलीले मलेसियालाई हराएको छ। एसियन गेम्सको तयारीअन्तर्गत खेलिएको द्विपक्षीय सिरिजको पहिलो खेलमा नेपाल २ विकेटले विजयी भएको हो।
टस जितेर ब्याटिङमा उत्रिएको मलेसियाले १६.५ ओभरमा अलआउट हुँदै ६७ रन बनाएको थियो। यसक्रममा एल्सा हन्टरले सर्वाधिक १० रन बनाउँदा एइना हम्जा हसन, धनुश्री मुहुनन् र इरदिना बेहले समान ७ विकेट लिए।
बलिङमा पूजा महतोले मात्रै १५ रन खर्चिएर ३ विकेट लिँदा मनिषा उपाध्याय र रिया शर्माले समान २ तथा कविता कुँवर र सीता राना मगरले समान १ विकेट लिए।
जवाफी ब्याटिङमा उत्रिएको नेपालले १७.३ ओभरमा ८ विकेट गुमाएर लक्ष्य भेट्टायो। नेपालका लागि सम्झना खड्काले सर्वाधिक ३२ रन बनाउँदा रुबि पोद्दारले १५ रन बनाइन्।
मलेसियाका नूर क्वेसाले ३ विकेट लिँदा एइसा फिर्दौज र एल्सा हन्टरले समान २ तथा नूर दानियाले १ विकेट लिँदै नेपाली ब्याटरलाई दवाबमा राखे पनि लक्ष्यमा पुग्नबाट रोक्न भने सकेनन्।
सिरिजको दोस्रो खेल शुक्रबार हुनेछ।
२४ मेबाट नेपाल र मलेसिया दुवैले एसियन गेम्स छनोट खेल्नेछन्। ६ टोली सहभागि उक्त प्रतियोगिताको समूह ‘ए’मा थाइल्याण्ड, हङकङ र मलेसिया छन् भने समूह ‘बी’मा इन्डोनेसिया, नेपाल र चीन छन्।
