काठमाडौं। चालु आर्थिक वर्ष सेयर कारोबारमा गिरावट आएको छ। यो आर्थिक वर्ष १० महिनामा १४ खर्ब २० अर्ब ९१ करोड १७ लाख रुपैयाँको सेयर कारोबार भएको छ।

पोहोर १० महिनाको तुलनामा यो १८.९ प्रतिशत कम हो। गत आर्थिक वर्ष साउनदेखि वैशाखसम्म १७ खर्ब ५२ अर्ब १० करोड १५ लाख रुपैयाँको सेयर कारोबार भएको थियो।

हाइड्रोपावर, उत्पादनमूलक तथा प्रशोधन, होटल तथा पर्यटन र डिबेञ्चर बाहेकका क्षेत्रको सेयर किनबेच घटेको हो। हाइड्रोपावरको सेयर सबैभन्दा धेरै ६ खर्ब ४२ अर्ब २९ करोड रुपैयाँको किनबेच भएको छ। यो रकम पोहोर वैशाखको तुलनामा १.६६ प्रतिशत बढी हो।

यो वर्ष भदौ २३ गते भएको जेनजी आन्दोलनका कारण केही दिन सेयर बजार बन्द भएको थियो। त्यसपछि राजनीतिक अनिश्चितताको प्रभाव बजारमा देखिएको थियो। अहिले उद्योगी व्यवसायीमाथि सरकारी धरपकडका कारण लगानीकर्ता त्रसित छन्।

चैत दोस्रो साता बालेन्द्र शाहको नेतृत्वमा नयाँ सरकार बनेदेखि सेयर बजार निरन्तर ओरालो लागिरहेको छ। नेप्से सूचक घट्दा सेयर कारोबारमा गिरावट आएको हो।

दुई आर्थिक वर्ष वैशाखसम्म सेयर किनबेच दश लाखमा