काठमाडौं। सुनको मूल्य घट्ने क्रमले मंगलबार पनि निरन्तरता पाएको छ। चाँदीको कारोबार मूल्यमा भने सामान्य बढोत्तरी छ। सुन अघिल्लो दिनमा तुलनामा तोलामा ९ सय रुपैयाँ सस्तिएको छ।
मंगलबार सुनको कारोबार मूल्य प्रति तोला ३ लाख १ हजार ९ सय रुपैयाँ भएको नेपाल सुनचाँदी व्यवसायी महासंघले जनाएको छ। यसअघि साताको पहिलो दिनका तुलनामा ३ हजार रुपैयाँले घट्दा सोमबार तोलाको ३ लाख २ हजार ८ सय रुपैयाँ भएको थियो।
गत आइतबार सुन प्रति तोला ३ लाख ५ हजार ८ सय रुपैयाँ थियो। अन्तर्राष्ट्रिय बजारमै सुनको भाउमा क्रमिक गिरावट देखिएको छ।
चाँदी तोलामा २५ रुपैयाँ महँगिएको छ। कारोबार मूल्य मंगलबार तोलाको ४ हजार ८ सय ८५ रुपैयाँ भएको छ। सोमबार प्रति तोला ४ हजार ८ सय ६० रुपैयाँ थियो।
अन्तर्राष्ट्रिय बजारमा सुनचाँदीको मूल्य घटेको छ। मंगलबार सुन प्रति औंस ४९४४.४६ डलर र चाँदी प्रतिऔंस ७५.१ डलरले कारोबार भइरहेको छ। सोमबार सुन ४९७६.६५ डलर र चाँदी ७५.२५ डलर थियो।
