काठमाडौं। अनरले नेपालमा नयाँ स्मार्टफोन अनर एक्स९डी सार्वजनिक गरेको छ। यो स्मार्टफोन शक्तिशाली प्रदर्शन, उत्कृष्ट मजबुती र उच्चस्तरीय विश्वसनीयताका लागि डिजाइन गरिएको कम्पनीले जनाएको छ।
कम्पनीका अनुसार अनर एक्स९डी आधुनिक प्रयोगकर्ताको आवश्यकता पूरा गर्न तयार गरिएको स्मार्टफोन हो। यस सेग्मेन्टमा प्रयोगकर्ताको अपेक्षालाई नयाँ स्तरमा पुर्याउने क्षमतासहित यो फोन प्रस्तुत गरिएको छ।
अनर एक्स९डीमा २.५ मिटर ड्रप रेसिस्टेन्स छ। यसमा अग्रणी आइपी६९के रेटिङ समावेश छ।
यो फोनमा ८३०० एमएएच क्षमताको लामो समयसम्म टिक्ने ठूलो ब्याट्री छ। यसमा १०८ एमपी उच्च रेजोलुसन क्यामेरा पनि उपलब्ध छ।
अनर एक्स९डी दुई भेरियन्टमा उपलब्ध हुनेछ। ८ जीबी र्याम र २५६ जीबी स्टोरेज भेरियन्टको मूल्य ५४ हजार ९९९ रुपैयाँ तोकिएको छ। १२ जीबी र्याम र २५६ जीबी स्टोरेज भेरियन्टको मूल्य ५९ हजार ९९९ रुपैयाँ छ।
फोन सार्वजनिक कार्यक्रममा अनरले आकर्षक प्रि-बुकिङ अफर सार्वजनिक गरेको छ। प्रि-बुकिङ अवधि २०२६ जनवरी २३ देखि जनवरी २८ सम्म रहनेछ। यस अवधिमा प्रारम्भिक ग्राहकहरूले विशेष लाभहरू प्राप्त गर्न सक्नेछन्।
प्रि-बुकिङ गर्ने ग्राहकहरूले १५ हजार ९९९ रुपैयाँ पर्ने अनर चोइस वाच २ प्रो निःशुल्क पाउनेछन्। साथै, २० हजार रुपैयाँ बराबरको एक वर्षे सेवा सुविधा पनि प्रदान गरिनेछ। उक्त सेवामा स्क्रिन रिप्लेसमेन्ट, ब्याक रिप्लेसमेन्ट र पानीबाट हुने क्षतिको मर्मत समावेश छ।
यस अफरअन्तर्गत नै एक जना भाग्यशाली प्रि-बुकिङ ग्राहकले ५८ लाख ९९ हजार ९९९ मूल्य बराबरको डिपल एस०५ कार जित्ने अवसर पनि पाउनेछन्। यस कारण अनर एक्स९डीको प्रि-बुकिङ अभियान नेपालकै सबैभन्दा आकर्षक स्मार्टफोन अफरहरूमध्ये एक बनेको छ।
