काठमाडौं। देशको अर्थतन्त्रको वास्तविक तस्वीर रियल सेक्टरका कम्पनीको ब्यालेन्स सिटमा देखिएको छ। उत्पादन तथा प्रशोधन क्षेत्रका ५ कम्पनीको अवस्था बिग्रिएको छ।

नेप्सेमा सूचीकृत ९ मध्ये ५ कम्पनीको ब्यालेन्स सिट बिग्रिएको हो। चालु आर्थिक वर्ष ६ महिनामा चार कम्पनी घाटामा गएका छन् भने एउटाको नाफामा गिरावट आएको छ। व्यापारमा कमीका कारण उनीहरुको अवस्था नाजुक बनेको हो।

४ कम्पनीले भने नाफा बढाएका छन्। यो वर्ष पुससम्म युनिलिभर नेपाल, हिमालयन डिष्टिलरी, नेपाल ल्युब आयल र सर्वोत्तम सिमेन्ट बाहेकका कम्पनीको व्यापारसँगै मुनाफा खुम्चिएको छ।

वास्तविक क्षेत्रका कम्पनीको दुई आर्थिक वर्ष ६ महिनाको नाफा रु हजारमा

बोटलर्स नेपालका दुईवटै कम्पनी घाटामा छन्। उनीहरुको व्यापार घटेको छ। सूचीकृत ४ वटा सिमेन्ट कम्पनीमध्ये दुईवटा नोक्सानीमा छन्। शिवम् सिमेन्टको नाफामा गिरावट आएको छ।

घोराही सिमेन्ट ६६ करोड ७१ लाख रुपैयाँ नोक्सानीमा छ। यस्तै सोनापुर मिनरल्स १२ करोड २० लाख रुपैयाँ नोक्सानीमा छ। निर्माण क्षेत्रमा निक्कै सुस्त रहेर सिमेन्टको माग बढ्न नसक्दा व्यापार घटेर ती कम्पनीको कम्पनीहरुको वित्तीय अवस्थामा असर परेको हो।

सर्वोत्तम सिमेन्टले भने खुद नाफा ६८९ प्रतिशतले बढाएको छ। कम्पनीको व्यापार ३६ प्रतिशतले बढेको छ।

वास्तविक क्षेत्रका कम्पनीको दुई आर्थिक वर्ष ६ महिनाको आम्दानी रु हजारमा