काठमाडौं। सानिमा बैंकले आफ्ना ग्राहकलाई पुरानो वानेश्वरस्थित फ्रन्टलाइन अस्पतालमा १३ प्रतिशतसम्म छूट उपलब्ध गराउने व्यवस्था गरेको छ।
बैंकले डिजिटल भुक्तानीलाई प्रोत्साहन गर्न भन्दै आफ्ना ग्राहकलाई फ्रन्टलाइन अस्पतालमा ५ देखि १३ प्रतिशतसम्म छूट उपलब्ध गराउने व्यवस्था गरेको हो।
छूट उपलब्ध गराउनका लागि बैंकले अस्पतालसँग सम्झौता गरेको छ। सम्झौता अनुसार बैंकका ग्राहकले ओपीडी, आइपीडी र बेडसम्बन्धी शुल्कमा १३, औषधिमा ७ प्रतिशत र सर्जरी शुल्कमा ५ प्रतिशत छूट पाउनेछन्।
यो छुट पाउनका लागि बैंकका ग्राहकले डिजिटल भुक्तानी गर्नुपर्नेछ। सानिमा भिसा डेबिट र क्रेडिट कार्ड तथा सानिमा मोबाइल बैंकिङ एप प्रयोगकर्ताले डिजिटल माध्यमबाट भुक्तानी गर्दा छूट पाउने बैंकले जारी गरेको विज्ञप्तिमा उल्लेख छ।
