काठमाडौं। प्राविधिक तथा व्यावसायिक शिक्षा तथा तालिम कार्य्रकमको क्षमता विकासका लागि दक्षिण कोरिया सरकारले नेपाललाई करिब ५५ करोड रुपैयाँ सहयोग गर्ने भएको छ।
यससम्बन्धि समझदारीपत्रमा अर्थ मन्त्रालयका सचिव डा राजन खनाल र नेपालका लागि दक्षिण कोरियाली राजदूत पार्क योङ सिकले हस्ताक्षर गरेका छन्।
नेपालमा प्राविधिक तथा व्यावसायिक शिक्षा तथा तालिम कार्य्रकमको गुणस्तर सुधारमा यो रकम खर्च हुनेछ। गुणात्मक र प्रतिस्पर्धी शैक्षिक कार्यक्रम अघि बढाउन यसले सहयोग गर्ने विश्वास लिइएको छ।
यो सहयोगबाट दुई वर्षे कार्यक्रम सञ्चालन हुनेछ। शिक्षा मन्त्रालयअन्तर्गत व्यावसायिक तालिम तथा सीप विकास परिषदबाट कार्यक्रम कार्यान्वयनमा आउनेछ।
