काठमाडौं। आर्थिक वर्ष २०८२/८३ को मुनाफाबाट सेयरधनीलाई ३२ कम्पनी र २५ वटा म्युचुअल फण्डले लाभांश घोषणा गरेका छन्।

नेप्सेमा सूचीकृतमध्ये सोमबारसम्म ३२ कम्पनीले प्रतिफल वितरणको निर्णय गरेका हुन्। इकाईधनीलाई बन्दमुखी र खुलामुखी प्रकृतिका २५ वटा म्युचुअल फण्डले पनि प्रतिफल वितरणको निर्णय गरिसकेका छन्।

लाभांश घोषणा गरेका केही कम्पनी र योजना व्यवस्थापकले साधारण सभा गरेर लाभांश सेयरधनी/इकाईधनीको खातामा पठाइसकेका छन्। केहीले भने भने साधारण सभा गर्न बाँकी छ।

पोहोरको मुनाफाबाट रिलायन्स स्पिनिङ मिल्सले सबैभन्दा धेरै ३० प्रतिशत नगद लाभांशको प्रस्ताव साधारण सभाबाट पारित गरिसकेको छ। कम्पनीले सूचीकृत भएपछि पहिलो वर्ष नै आकर्षक नगद प्रतिफल वितरण गरेको हो।

नेपाल ल्युब आयलले १५ प्रतिशत बोनस सेयर र ६.०५ प्रतिशत नगद गरी सेयरधनीलाई २१.०५ प्रतिशफल वितरण गर्ने निर्णय गरेको छ।

बैंक तथा वित्तीय संस्थामा गरिमा विकास बैंक, सिद्धार्थ बैंक र मञ्जुश्री फाइनान्सले २०/२० प्रतिशत प्रतिफल घोषणा गरेका छन्। कुमारी बैंकले सबैभन्दा कम २.१० प्रतिशत लाभांश वितरण गरेको छ।

लाभांशको निर्णय गरेका कम्पनी

म्युचुअल फण्डतर्फ सबैभन्दा धेरै हिमालयन ८०-२० ले इकाईधनीलाई १५ प्रतिशत प्रतिफल वितरण गरेको छ।

यस्तै, प्रभु सेलेक्ट फण्ड, प्रभु स्मार्ट फण्ड र ग्लोबल आइएमई ब्यालेन्सड फण्ड-१ ले इकाईधनीलाई १२/१२ प्रतिशत प्रतिफल घोषणा गरेका छन्।

सेयरधनीलाई प्रतिफल वितरण गर्ने म्युचुअल फण्ड