एक महिनाको अवधिमा ४ सय ५६ मिटर सुरुङ खनेको आयोजनाका प्रवक्ता राजेन्द्र पन्तले जानकारी दिए।अब मेलम्चीको साढे तीन किलोमिटर सुरुङ खन्न बाँकी छ।आयोजनाको सुरुङ साढे २७ किलोमिटर लामो छ।मेलम्चीको पानी सुरुङहुँदै सुन्दरीजल ल्याइनेछ।
 

एकदमै कडा चट्टानलाई पहिलो तीन चरणमा बाँडिएको हुन्छ। चौथो र पाँचौ श्रेणीको चट्टान आउँदा अलिकति खन्ने बित्तिकै तत्कालै सपोर्ट दिनु पर्ने भएकाले खन्न ढिलाई भएको उनले बताए।ग्याल्थुममा अहिले चौथो र पाँचौ श्रेणीको चट्टान छ। पन्तले भने, कमजोर चट्टानकै कारण दैनिक २५ मिटर सुरुङ खन्ने लक्ष्य भए पनि १५ मिटर भन्दा बढी खन्न नसकिएको हो।