काठमाडौं। सरकारले अध्ययन र असाधारण बिदा सकिएपछि काममा नफर्किएका कर्मचारीमाथि कारबाही गर्ने भएको छ।
भूमि व्यवस्था सहकारी संघीय मामिला तथा सामान्य प्रशासन मन्त्रालयले अध्ययन र असाधारण बिदा सकिएपछि सम्बन्धित कार्यालयमा हाजिर नभएका वा लामो समयदेखि कार्यालयको सम्पर्कमा नरहेका कर्मचारीको हकमा कानुन बमोजिम कारबाही प्रक्रिया अगाडि बढाउने भएको हो।
मन्त्रालयले सूचना निकालेर सबै मन्त्रालय, आयोग, सचिवालय र केन्द्रीयस्तरका कार्यालयसँग अध्ययन र असाधारण विदा स्वीकृत भएका कर्मचारीको विवरण अद्यावधिक गर्न ताकेता गरेको छ।
‘विदा अवधि समाप्तिपश्चात सम्बन्धित कर्मचारी हाजिर भए/नभएको तथा अन्य आवश्यक विवरण राष्ट्रिय किताबखाना (निजामती)सँग समन्वय गरी यकिन गर्न तथा सम्पूर्ण विवरण तीन दिनभित्र अद्यावधिक गराउनु हुन अनुरोध गरिन्छ,’ सूचनामा भनिएको छ।
