काठमाडौं। घट्न थालेको सुनचाँदीको भाउ फेरि बढेको छ। साताको पहिलो दिन सुनको मूल्य तोलामा ३ हजार ५ सय रुपैयाँले वृद्धि भएको छ। चाँदी तोलामा ३० रुपैयाँ बढेको छ।
आइतबारका लागि सुनको कारोबार मूल्य प्रति तोला ३ लाख १६ हजार ९ सय रुपैयाँ निर्धारण भएको नेपाल सुनचाँदी व्यवसायी महासंघले जनाएको छ।
गत शुक्रबार सुनको कारोबार मूल्य तोलाको ३ लाख १३ हजार ४ सय रुपैयाँ थियो।
चाँदी बढेर प्रति तोला ५ हजार ४ सय ७५ रुपैयाँ भएको महासंघले जनाएको छ। शुक्रबार तोलाको ५ हजार ४ सय ४५ रुपैयाँमा कारोबार भएको थियो।
अन्तर्राष्ट्रिय बजारमा सुनको मूल्य प्रति औंस ५१७१.९२ डलर र चाँदी प्रतिऔंस ८४.५४ डलर पुगेको छ।
