काठमाडौं। हिउँदका तरकारी सस्तिनुपर्ने बेलामा अझैसम्म उपत्यकाको बजारले उपभोक्तालाई राहत दिने संकेत गरेको छैन। सागपात, काउली, ब्रोकाउली, मुला, विभिन्न प्रकारका सिमी सस्तिनुपर्नेमा थोक बजारमै महँगो छ। थोकमा महँगो पर्दा खुद्रा बिक्री मूल्य अझ उच्च छ।

कालीमाटी फलफूल तथा तरकारी बजार विकास समितिको दैनिक मूल्य सूचीअनुसार रायो सागले थोकमा किलोको ७० रुपैयाँबाट घट्ने संकेत गरेको छैन। गत शनिबार किलोको ७० रहेको साग बीचमा १० रुपैयाँ सस्तिएर पुनः उही मूल्यमा फर्किएको छ।

लगातार उच्च भएको गोलभेंडाले पनि घट्ने संकेत गरेको छैन। शुक्रबार प्रति किलो ९५ रुपैयाँमा कारोबार भएको ठूलो नेपाली गोलभेंडा आज किलोको एक सय रुपैयाँ पुगेको छ।

ठूलो भारतीय गोलभेंडा किलोको १०५ रुपैयाँमा मूल्य स्थिर छ। सानो लोकल गोलभेंडा ७० बाट बढेर ७१ रुपैयाँ २० पैसा भएको छ। सानो तराई गोलभेंडा किलोको ९५ रुपैयाँमा स्थिर रहँदा सानो भारतीय गोलभेंडा २ रुपैयाँ बढेर ७६ रुपैयाँ २५ पैसा भएको छ।

किलोको ९७ रुपैयाँ ८६ पैसा पुगेको टनेल गोलभेंडा भने घटेर ९२ रुपैयाँ ५० पैसा भएको छ। रातो आलु किलोको ४७.५० बाट बढेर ४९.३३ भएको छ भने रातो भारतीय आलु ४२.५० बाट बढेर ४३.५० भएको छ। सेतो आलु किलोको ३५.५०, सुकेको प्याज ३१, लोकल गाजर १३५, तराई गाजर १२५, तराई बन्दा ४५, नरिवल बन्दा ५०, ज्यापु काउली ८५, तराई काउली ५५, सेतो हाइब्रिड मुला ४७.५०, लाम्चो भन्टा ६५, हाइब्रिड घिउ सिमी १५५ र राजमा घिउ सिमी ९५ रुपैयाँमा मूल्य स्थिर छ।

लोकल बन्दा किलोको ६० बाट घटेर ५७ रुपैयाँ ५० पैसा भएको छ भने लोकल काउली ७७.५० बाट सस्तिँदै ६६ रुपैयाँ भएको छ। रातो मुला किलोको ५७.५० बाट बढेर ६१.२५ हुँदा लोकल सेतो मुला ३१.२५ बाट सस्तिँदै २४ रुपैयाँ २५ पैसा भएको छ।

डल्लो भन्टा १० रुपैयाँ महँगिदै किलोको ८५ रुपैयाँ भएको छ। ५ रुपैयाँ बढेर तने बोडी किलोको १७० र १०/१० रुपैयाँ बढ्दै मकै बोडी ७५ र लोकल घिउ सिमी १६५ रुपैयाँ भएको छ। तीते करेला ५ रुपैयाँ सस्तिँदै किलोको ११५ हुँदा लोकल परवर ९५ रुपैयाँमा स्थिर छ। तराई परवर किलोको १०५ बाट घटेर १०३.७५ हुँदा घिरौंला ११० बाट बढेर ११२ रुपैयाँ ५० पैसा भएको छ।

सस्तिनुपर्ने सागपातमा रायो साग १० रुपैयाँ महँगिदै किलोको ७५ पुगेको छ भने चमसुरको साग १४०, तोरीको साग ५५, मेथीको साग १५० र पालुंगो १४० रुपैयाँमा मूल्य स्थिर छ।

कन्य च्याउ १० रुपैयाँ सस्तिँदै किलोको २०० हुँदा डल्ले च्याउ ३५२.५० मा स्थिर छ। कुरिलो किलोको १०३३.३३ बाट बढेर ११०० र ब्रोकाउली ५ रुपैयाँ बढेर १५५ रुपैयाँ भएको छ। फलफूलमा स्याउ, केरा, अनार, सुन्तला, तरबुजा, मौसम, जुनार, भूइँकटहर, निबुवा मेवा, अम्बा, किवी, आभोकाडो, शरिफा, स्ट्रबेरी, अमलाको मूल्य स्थिर छ। लोकल काँक्रो किलोको ७० बाट घटेर ६८.७५ हुँदा हाइब्रिड काँक्रो महँगिदै ३६.६७ बाट बढेर ४६ रुपैयाँ २५ पैसा भएको छ।

कालीमाटीमा यस्तो छ आजको भाउ