काठमाडौं। नेपाली सेनाले अहिलेसम्म चोरी तथा लुटपाट गर्ने २७ जनालाई नियन्त्रणमा लिएको छ।
मौकाको फाइदा उठाएर लुटपाट, आगजनी र जीउधनको क्षति गर्ने मनसायले विध्वंसात्मक, अराजक तथा उच्छृङ्खल गतिविधिहरूमा संलग्न २७ जनालाई पक्राउ गरिएको हो।
त्यसैगरी, काठमाडौंको गौशाला-चाबहिल-बौद्ध क्षेत्रबाट लुटपाटमा संलग्न उनीहरूको साथमा रहेको ३३ लाख ७७ हजार रुपैयाँ बरामद गरिएको छ। काठमाडौंको विभिन्न स्थानहरूबाट २३ र पोखराबाट ८ नाल गरी विभिन्न किसिमका हतियार ३१ नाल तथा म्यागजिन एवं गोलीगठ्ठाहरू बरामद गरिएको छ।
साथै, २३ जना घाइते नेपाल प्रहरी तथा ३ जना गैरसैनिक व्यक्तिहरूको सैनिक अस्पतालहरूमा उपचार गरिएको छ।
