काठमाडौं। लेन्दे खोलामा आएको बाढीका कारण रसुवामा तीनवटा जलविद्युत आयोजनामा क्षति पुगेको छ। बाढीले रसुवागढी, त्रिशुली–३ ए र चिलिमे जलविद्युत आयोजनामा क्षति पुगेको हो।
१११ मेगावाट क्षमताको रसुवागढी जलविद्युत आयोजना सबैभन्दा धेरै क्षति पुगको छ। बाढीले यो जलविद्युत आयोजनाको बाँध पूर्णरुपमा क्षतिग्रस्त भएको छ।
त्रिशुली–३ ए र चिलिमे जलविद्युत आयोजनामा आंशिक क्षति पुगेको छ। यी दुबै आयोजनाले बिजुली उत्पादन बन्द गरेका छन्। त्रिशुली–३ ए ६० र चिलिमे २२ मेगावाट क्षमताका आयोजना हुन्।
चिलिमे आयोजनाको बाँधमा बालुवा थुप्रिएको छ। त्यसलाई पन्छाएपछि मात्र बिजुली उत्पादन सुरु हुनेछ।
त्रिशुली-३ ए जलविद्युत आयोजनाको पनि गेट र टावर बगाएको छ। क्षतिको यकिन विवरण आइसकेको छैन। भोटेकोशी जलविद्युत आयोजनाले पनि उत्पादन बन्द गरेको छ।
