काठमाडौं। साताको अन्तिम दिन सुनको मूल्य तोलामा ८ सय रुपैयाँले घटेको छ। शुक्रबार सुनको कारोबार मूल्य प्रति तोला १ लाख ९४ हजार ७ सय रुपैयाँ निर्धारण भएको नेपाल सुनचाँदी व्यवसायी महासंघले जनाएको छ।
बिहीबार सुन तोलामा ४ सय रुपैयाँ घटेर प्रति तोला १ लाख ९५ हजार ५ सय रुपैयाँमा कारोबार भएको थियो। यसअघि ९ सय रुपैयाँ बढ्दा बुधबार प्रति तोला १ लाख ९५ हजार ९ सय रुपैयाँ भएको थियो।
गत आइतबार र सोमबार तोलाको १ लाख ९७ हजार ५ सय पुगेको सुन मंगलबार घटेर १ लाख ९५ हजार रुपैयाँ भएको थियो।
चाँदीको मूल्य पनि शुक्रबार घटेको छ। अघिल्लो दिनको भन्दा चाँदी तोलामा ५० रुपैयाँले घट्दै प्रति तोला २ हजार १५० रुपैयाँ कायम भएको छ।
बिहीबार चाँदी घटेर प्रति तोला २ हजार २ सय रुपैयाँ थियो। यसअघि ६५ रुपैयाँ बढ्दै बुधबार कारोबार मूल्य प्रति तोला २ हजार २ सय २५ रुपैयाँ भएको थियो।
अन्तर्राष्ट्रिय बजारमा सुनको मूल्य लगातार घट्दै प्रति औंस ३३५२.७१ डलर भएको छ। चाँदी प्रति औंस ३५.६६ डलर रहेको छ।
