काठमाडौं। नेपाल प्रिमियर लिग (एनपीएल) आयोजनाका लागि त्रिभुवन विश्वविद्यालय क्रिकेट मैदान तयार बनेको छ। शनिबार यसै मैदानमा एनपीएलको उद्घाटन खेल सञ्चालन हुनेछ।
एनपीएलका लागि दर्शक बस्ने स्थानलाई थप व्यवस्थित बनाइएको छ। भीआईपी क्षेत्रमा अस्थायी प्यारापिट बनाइएको छ। त्यस्तै पिचको पुनर्निमाणसँगसँगै डिस्पे बोर्डलाई पनि व्यवस्थित गरिएको छ।
शनिबार यसै मैदानमा सुरु हुने एनपीएलको उद्घाटन खेलमा विराटनगर किंग्स र जनकपुर बोल्ट्स भिड्नेछन्। ८ टोलीको सहभागिता रहेको प्रतियोगितालाई लक्षित गर्दै नेपाल क्रिकेट संघ (क्यान)ले टीयू मैदानलाई व्यवस्थित बनाएको हो।
