काठमाडौं। आन्तरिक राजस्व विभागबाट प्रमाणित क्लाउडमा आधारित सफ्टवेयर टिगमा प्रोडक्सन फिचर थप भएको छ।

१५ सयभन्दा बढी व्यवसायले प्रयोग गरिरहेको टिगमा अकाउन्ट, रेष्ट्रो, रिटेलसँगै म्यानुफ्याक्चरिङ प्रक्रियालाई पनि डिजिटलाइज गर्ने फिचर थपिएको हो।

नयाँ प्रक्रियाले साना तथा मझौला उद्योगको म्यानुफ्याक्चरिङ प्रक्रियालाई डिजिटाइज गर्ने बीआइसी टेक्नोलोजीका सीइओ रमेश केसीले बताए।

टिगको प्रोडक्सन सुविधामार्फत कुनै पनि वस्तु उत्पादनका लागि आवश्यक पर्ने कच्चा पदार्थ राख्न, उत्पादन गर्दाको खर्च र लागत समेत सजिलै थाहा पाउन सकिने छ।

यसबाहेक कच्चा पदार्थको उपलब्धता बारे थाहा पाउन र प्रोडक्सन प्रक्रियाको सबै रिपोर्ट समेत डाउनलोड गर्न सकिने टिगले जनाएको छ।

साना व्यवसायको उत्पादन अनुभवलाई प्रविधिमैत्री बनाउन, लागत कम गर्न र चलाउन सजिलो हुने गरी टिगको डिजाइन गरिएको केसी बताउँछन्।

‘साना व्यवसायहरू म्यानुफ्याक्चरिङ प्रक्रियालाई व्यवस्थापन गर्न विभिन्न हुन्छन्। धेरैले महँगो सफ्टवेयरमा लगानी समेत गर्न सक्दैनन्,’ केसीले भने, ‘यही समस्यालाई समाधान गर्न सहजै म्यानुफ्याक्चरिङ प्रक्रियालाई प्रभावकारी बनाउन र व्यवस्थापन गर्न प्रोडक्सन फिचर ल्याएका हौं।’

टिगको प्रोडक्सन फिचरबाट उत्पादनको दक्षता बढ्ने, लागत घट्ने र डेटामा आधारित निर्णय लिन सघाउने कम्पनीले जानकारी दिएको छ।

साथै एउटै प्लाटफर्ममा अकाउन्टिङ, रेष्टुरेन्ट, इन्भेन्ट्री, पीओएस, रिटेल, प्रोडक्टसन लगायतको सुविधा भएकाले यसले फरक फरक सुविधाका लागि फरक फरक सफ्टवेयर किन्नुपर्ने बाध्यता समेत टिगले अन्त्य गर्नेछ।

टिग क्लाउडमा आधारित सफ्टवेयर भएका कारण जुनसुकै ठाउँबाट पनि यसलाई अनलाइनमार्फत चलाउन सकिन्छ। टिग वेबसाइट र मोबाइल एपमा उपलब्ध छ।