काठमाडौं। नेपाल इन्भेष्टमेन्ट मेगा बैंकको एनआईएमबी डिबेन्चर नेपाल स्टक एक्सचेन्जमा सूचीकृत भएको छ। बैंकको १० प्रतिशत ब्याज दिने डिबेन्चर बिहीबार सूचीकृत भएको हो।
यो डिबेन्चर १० वर्षमा परिपक्व हुनेछ। बैंक र नेप्सेबीच सूचीकरण सम्झौतासँगै अब डिबेन्चर दोस्रो बजारमा कारोबार सुरु हुनेछ।
डिबेन्चर/ऋणपत्रको अंकित तथा चुक्ता मूल्य १ हजार रुपैयाँ कायम भएको ४० लाख ४० हजार कित्ता ऋणपत्रको सूचीकरण भएको छ।
कम्पनीले धितोपत्र निष्कासन तथा बिक्री प्रबन्धक प्रभु क्यापिटलमार्फत सर्वसाधारणलाई बिक्री आह्वान गरेको थियो।
