काठमाडौं। कृषि सामग्री कम्पनी लिमिटेडको प्रबन्ध सञ्चालक नियुक्तिका लागि नौ जना सर्टलिस्टमा परेका छन्। नियुक्ति सिफारिस समितिले उनीहरुका लागि व्यावसायिक कार्य योजना प्रस्तुति र अन्तर्वार्ता देहायको मिति तोकेको छ।
सर्टलिस्टमा परेकाहरुमा झापाका चन्द्रप्रसाद चम्लागाई, बागलुङका डोलिन्द्रप्रसाद शर्मा, सर्लाहीका पुण्यप्रसाद उपाध्याय, कास्कीका विष्णुप्रसाद पोखरेल,तनहुँका भोजराज अधिकारी, सुनसरीका राजेन्द्रबहादुर कार्की, सप्तरीका शैलेन्द्रकुमार सुमन, पर्वतका हरिवंश आचार्य र गोरखाका रामचन्द्र ढकाल छन्।
उम्मेदवारहरुको व्यावसायिक कार्य योजना प्रस्तुति र अन्तर्वार्ता कुलेश्वरस्थित प्रधान कार्यालयमा हुने भएको छ।
कार्ययोजना प्रस्तुतिका लागि आगामी शनिबार तोकिएको छ भने अन्तर्वार्ताका लागि आइतबार र सोमबारको समय तोकिएको कृषि सामग्रीले बुधबार जारी गरेको सूचनामा उल्लेख छ।
