.jpg)
काठमाडौं। सुनचाँदीको मूल्यमा सामान्य गिरावट आएको छ। अघिल्लो दिनको भन्दा सुन तोलामा ४ सय रुपैयाँ घटेर कारोबार मूल्य कायम भएको छ।
नेपाल सुनचाँदी व्यवसायी महासंघका अनुसार बुधबारका लागि सुन प्रतितोला ९७ हजार ३ सय रुपैयाँ भएको छ। मंगलबार प्रतितोला ९७ हजार ७ सय रुपैयाँ थियो भने साताको पहिलो दिन ९७ हजार ५ सय थियो।
गत वैशाख सुरुवातमा प्रतितोला १ लाख २ हजार ५ सयसम्म पुगेको सुनको कारोबार मूल्य गत जेठमा अधिकतम ९९ हजार २ सय रुपैयाँसम्म भएको थियो। चालु महिना अधिकतम ९७ हजार ८ सयभन्दा माथि गएको छैन।
चाँदीको मूल्य बुधबार तोलामा १० रुपैयाँले घटेको छ। कारोबार मूल्य १२ सय ५५ रुपैयाँ कायम भएको महासंघले जनाएको छ। मंगलबार प्रतितोला १२ सय ६५ थियो।
अन्तर्राष्ट्रिय बजारमा बुधबार सुन प्रतिऔंस १८२७.०२ डलरमा कारोबार भइरहेको छ। मंगलबारका तुलनामा सुन प्रतिऔंस ११.७५ डलरले घटेको छ। चाँदी प्रतिऔंस २१.४१ डलर छ। मंगलबार प्रतिऔंस २१.६६ डलर थियो।
_(1).gif)
.gif)
.gif)
1.gif)
.gif)
