स्कुल बन्दमा पनि विद्यार्थीले घरमै बसेर पढ्न पाउने, इसेवा र मिडासले मिलायो ब्यबस्था





काठमाडौं। भुक्तानी सेवा प्रदायक इसेवा र मिडास एजुकेशनले विद्यार्थीहरूलाई घरमै अध्ययन गर्न सकिने व्यवस्था गरेको छ ।

सम्पूर्ण स्कुलहरू बन्द रहेको अवस्थामा विद्यार्थीहरूले घरमै बसेर निशुल्क श्रव्य दृष्य मार्फत अध्ययन गर्न मिल्ने व्यवस्था इसेवाले मिलाएको हो।

अध्ययनका लागी विद्यार्थीहरूले मिडास एजुकेशनको मोबाईल एप्स् डाउनलोड गर्नुपर्ने हुन्छ । एप्लिकेसन अर्डरमा क्लिक गरेपछि मागिएको कोड राखेर आफुले चाहेको विषय अध्ययन गर्न पाइनेछ ।

TaTa
Sanima Bank
Riddisiddi Cement

यस एपबाट नर्सरी देखि कक्षा १० सम्मका विद्यार्थीले आफुले चाहेको विषय अध्ययन गर्न सक्ने इ सेवाले जनाएको छ।

मिडासले विगत एक दशकदेखि नर्सरीदेखि १० कक्षासम्मका पाठ्यक्रममा आधारित श्रव्य दृष्य सामाग्री मार्फत अध्यापन गराउँदै आएको छ ।

विद्यार्थीहरू स्कुल जान नपाइरहेको अवस्थामा घरमै बसेर मोबाईलमार्फत अध्ययन गर्न सकुन् भन्ने उदेश्यले यो सेवा दिइएको बिज्ञप्ती मार्फत इसेवाले जनाएको छ ।

इसेवा नेपालको पहिलो भुक्तानी सेवा प्रदायक हो । इसेवामार्फत मोबाईल, टेलिफोन, इन्टरनेट, बिजुली तथा खानेपानीको महशुल भुक्तानी, रिचार्ज, हवाइजहाज, बसको टिकट, स्कुल कलेजको शुल्क लगायतका दुई हजारभन्दा बढी सेवाहरूको शुल्क भुक्तानी गर्न सकिन्छ ।

इसेवामा हाल ४९ वटा बैंक तथा वित्तीय संस्था सदस्य रहेको बिज्ञप्तीमा जनाइएको छ। इसेवाका अनुसार ति बैंकहरुबाट इसेवामा सहजै रकम जम्मा गर्न तथा इसेवाबाट बैंक खातामा रकम पठाउन सकिन्छ ।

 


Share this Story

   

स्कुल बन्दमा पनि विद्यार्थीले घरमै बसेर पढ्न पाउने, इसेवा र मिडासले मिलायो ब्यबस्था को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.
Ncell