काठमाडौं। अपर हेवाखोला हाइड्रोपावर कम्पनीले हकप्रद सेयर जारी गर्नका लागि विद्युत नियमन आयोगबाट पूर्वस्वीकृति पाएको छ।
कम्पनीले चुक्ता पुँजीको १:१ अनुपातमा हकप्रद सेयर जारी गर्न आयोगबाट पूर्वस्वीकृति पाएको हो। कम्पनीको चुक्ता पुँजी ५७ करोड ५० लाख रुपैयाँ छ।
कम्पनीले हकप्रद सेयरबाट उठ्ने रकममध्ये ५१ करोड रुपैयाँ सिसुवाखोला जलविद्युत आयोजना बनाउन र बाँकी ६ करोड ५० लाख रुपैयाँ बैंकको ऋण तिर्न प्रयोग गर्ने बताएको छ।
