काठमाडौं। सुनचाँदीको भाउमा सामान्य गिरावट आएको छ। अघिल्लो दिनको तुलनामा बुधबार सुन तोलामा ८ सय रुपैयाँ घटेर प्रति तोला ३ लाख ५ सय रुपैयाँ निर्धारण भएको नेपाल सुनचाँदी व्यवसायी महासंघले जनाएको छ।
मंगलबार सुन तोलामा १ हजार ६ सय रुपैयाँले बढेर प्रति तोला ३ लाख १ हजार ३ सय रुपैयाँमा कारोबार भएको थियो।
चाँदीको मूल्य भने २ दिनदेखि घटिरहेको छ। मंगलबारको भन्दा चाँदी तोलामा ३० रुपैयाँ घटेर बुधबार प्रति तोला ५ हजार १ सय ३० रुपैयाँ कायम भएको छ।
मंगलबार चाँदी तोलामा ३० रुपैयाँ घटेर प्रति तोला ५ हजार १ सय ६० रुपैयाँमा थियो।
अन्तर्राष्ट्रिय बजारमा सुनको मूल्य घटेर प्रति औंस ४७५६.९४ डलर र चाँदी प्रति औंस ७८.१६ डलर छ। मंगलबार सुन प्रति औंस ४७९२.२६ डलर र चाँदी प्रति औंस ७८.८८ डलर थियो।
