काठमाडौं। नेपाल स्टक एक्सचेन्जमा ४ कम्पनीको बोनस सेयर सूचीकृत भएको छ। नेप्सेमा सोमबार प्रभु महालक्ष्मी लाइफ इन्स्योरेन्स, विन्ध्यवासिनी हाइड्रोपावर डेभलपमेन्ट कम्पनी, एनएलजी इन्स्योरेन्स र युनिभर्सल पावर कम्पनीको बोनस सेयर सूचीकृत भएको हो।
प्रभु महालक्ष्मी लाइफको २० लाख ४१ हजार ४५९ कित्ता सेयर नेप्सेमा थपिएको छ। कम्पनीले गत वर्षको मुनाफाबाट ४ प्रतिशत बोनस सेयर वितरण गरेको थियो।
त्यस्तै, विन्ध्यवासिनी हाइड्रोपावरको ५ लाख ६४ हजार ९०० कित्ता सेयर सूचीकृत भएको छ। हाइड्रोपावरले सेयरधनीलाई ५ प्रतिशत बोनस सेयर वितरण गरेको छ।
एनएलजी इन्स्योरेन्सको १० लाख २६ हजार ८९ कित्ता सेयर नेप्सेमा सूचीकृत भएको छ। कम्पनीले गत वर्षको मुनाफाबाट सेयरधनीलाई ४ प्रतिशत बोनस सेयर वितरण गरेको छ।
यस्तै, युनिभर्सल पावरको २० लाख ५१ हजार ९३६ कित्ता सेयर सूचीकृत भएको छ। कम्पनीले गत वर्षको मुनाफाबाट ९ प्रतिशत बोनस सेयर वितरण गरेको थियो। कम्पनीको सूचीकृत बोनस सेयर मंगलबारदेखि कारोबारमा आउनेछ।
