काठमाडौं। आयात निर्यातमा भटमास तेलको हिस्सा सबैभन्दा धेरै देखिएको छ। चालु आर्थिक वर्ष चार महिनामा आयातित वस्तुको पहिलो नम्बरमा क्रुड सोयाबिन छ। सबैभन्दा धेरै निर्यात भएको वस्तुको सूचीमा पनि भटमास तेल नै छ।
साउनदेखि कात्तिकसम्म भटमास तेलको कच्चा पदार्थ ३७ अर्ब ९६ करोड ४२ लाख ६३ हजार रुपैयाँको २४ करोड ८३ लाख ५६ हजार ९८७ लिटर आयात भएको छ।
यस्तै ३८ अर्ब ४३ करोड रुपैयाँको १८ करोड ५२ लाख ५५ हजार ५९१ लिटर भटमास तेल निर्यात भएको भन्सार विभागले जनाएको छ।
गत वर्ष भटमास तेलको कच्चा पदार्थ धेरै आयात हुने वस्तुको सूचीमा १०औं स्थानमा थियो।
गत वर्ष पहिलो चार महिनामा
७ अर्बको २१ करोड ६ लाखको ५ करोड २९ लाख ५९ हजार लिटर कच्चा पदार्थ आयात भएकामा ३ अर्ब ४१ करोड रुपैयाँको १ करोड ६२ लाख ४१ हजार ११८ लिटर निर्यात भएको थियो।
