काठमाडौं। सिटिजन्स बैंक इन्टरनेसनलले कोशी प्रदेशका आफ्ना कर्मचारीको उपस्थितिमा सेमिनार गरेको छ।
बैंकले प्रदेश प्रमुख, क्लस्टरहेड, शाखा–प्रबन्धक र अरु कर्मचारीको उपस्थितिमा ‘सेमिनार अन कोशी लिडरसिप : इन्स्पायरिङ पर्फरमेन्स एण्ड अचिभिङ एक्सिलेन्स’ कार्यक्रम गरेको हो।
सेमिनारमा बैंकका प्रमुख कार्यकारी अधिकृत गणेशराज पोखरेल, उपप्रमुख कार्यकारी अधिकृत र वरिष्ठ कार्यकारीको उपस्थिति थियो।
सेमिनारमा गत आर्थिक वर्षको कार्य प्रगति समीक्षा एवं चालु आर्थिक वर्षका प्राथमिकतामाथि छलफल गरेको बैंकले जनाएको छ। बैंकका अनुसार केन्द्र र प्रदेशबीच सहकार्य सुदृढ गर्ने विषयमा पनि छलफल भएको छ।
बैंकले यसअघि मधेश र बागमती प्रदेशमा यस्तै प्रकारको सेमिनार गरेको थियो।
