काठमाडौं । माई खोला हाइड्रोपावरले हकप्रद सेयर निष्कासन गर्न विद्युत नियमन आयोगबाट स्वीकृति पाएको छ। आयोगले कम्पनीलाई चुक्ता पुँजीको शतप्रतिशत हकप्रद सेयर निष्कासनको सहमति दिएको हो।

कम्पनीको हाल ३९ करोड २१ लाख ५६ हजार ८०० रुपैयाँ चुक्ता पुँजी छ। हकप्रदको रकम कम्पनीले तोकिएको क्षेत्रबाहेकमा लगानी गर्न नपाउने आयोगले सर्त तोकेको छ।

माई खोला हाइड्रोपावरले चालु आर्थिक वर्ष ६ महिनामा ५६ लाख रुपैयाँ नाफा कमाएको छ। कम्पनीको प्रति सेयर आम्दानी २.८६ र प्रति सेयर नेटवर्थ १०२.२२ रुपैयाँ रहेको छ।